Törkiyä ilbaşı Räcäp Tayyip Ärdoğan Törkiyä "Qızılay" cämğıyäte oyışunıñ 158 yıllığı uñayınnan qotlawnamä urtaqlaştı.

İlbaşı Ärdoğan üz möräcäğatendä bolay dip belderde: "Xörmätle millätebezneñ xäriyäçelek, şäfqätlelek, märxämätlelek häm teläktäşlek sıyfatlarınıñ simvolı bulğan Törkiyä "Qızılay"ı, çiklärne uzıp kitkän fidakar häm näticäle xezmätläre arqasında, bu ölkädä dönyadağı iñ xörmätle oyışmalarnıñ berse".

Avır şartlarğa qaramastan, cäberlängännärgä häm qorbannarğa yärdäm qulı suzuçı Törkiyä "Qızılay"ınıñ moxtaclarnıñ barısın da yaqlawın, suğışlar häm tabiğıy afätlär kitergän yaralarnı däwalawın häm keşelekneñ ömete buluın assızıqlap, ilbaşı Ärdoğan bolay dip östäde:

"Min Törkiyä "Qızılay"ınıñ ilebezne mömkin qadär iñ yaxşı räweştä täqdim itüen däwam itäçägenä ışanam. Tağın ber qat şunı äytergä telim, ul tınıçlıqqa, tuğanlıqqa häm duslıqqa xezmät itüçe köçen millätebezneñ yärdämçellegennän ala. Yıllığı uñayınnan, min anıñ barlıq xezmätkärlären iñ ixlas xislärem belän sälamlim häm söyekle millätebezne bu abruylı oyışmanı xuplarğa çaqıram."