Törkiyä Cömhüriyäte qazna häm finans ministrı Mäxmät Şimşäk “NSosyal” akkauntında Bötendön’ya bankınıñ Törkiyäneñ cil  häm saqlağıç  investiśiyäläre öçen östämä 400 million yevro finanslawı turında belderü yasadı.

Ministr Şimşäk yäşel transformaśiyäneñ Törkiyä öçen zaruri buluın assızıqlap bolay dide:

“Soñğı 23 yılda bezneñ ğomumi ênergiyä importı 1,1 trillion dollarğa citte. Ênergiyädä cirle häm yañartıla torğan çığanaqlarnıñ öleşen arttırıp, çit il çığanaqlarına bäylelegebezne kimetäbez  häm resurslarıbıznı qıymmät çılbırında  yuğarıraq  kütärelergä  mömkinlek biräçäk ölkälärgä yünältäbez.  Bötendön’ya  bankı tarafınnan  birelgän 400 million yevro külämendäge ozın möddätle häm uñay  finanslaw belän bez yañartıla torğan ênergiyä investiśiyälären  xuplıybız, ênergetikadağı üzgäreşne tizlätü aşa çıdamlılığıbıznı nığıtabız”.