“Äl-Cäzirä” xäbär itüençä, kanalnıñ operatorı Ğazzä üzägendäge ber yortnı İzrailneñ bombalawı waqıtında hälaq bulğan. Bu 2025 yılnıñ oktyabrennän birle ğamäldä bulğan utnı tuqtatu kileşüen soñğı tapqır bozu bulıp tora.

Katarda urnaşqan televideniye çeltäre: "Äl-Cäzirä” operatorı Äxmät Vaşax Ğazzä üzägendäge Äl-Bureyc qaçaqlar lagerındağı yortqa höcüm itü näticäsendä üterelde", - dip belderde.

Vaşaxnıñ üleme belän 2023 yılnıñ oktyabrennän birle Ğazzä sızığında hälaq bulğan “Äl-Cäzirä” xezmätkärläre häm jurnalistları sanı 12gä citte.

Äxmäd Vaşaxnıñ abıysı Möxämmät Vaşax ta aprel’ ayında Ğazzä şähäreneñ kön’yaq-könbatışındağı Äl-Räşid yar buyı yulında maşinasına yasalğan höcüm näticäsendä hälaq buldı.

“AFP” belän söyläşkän xärbi wäkil süzlärenä qarağanda, Izrail’ armiyäse “Äl-Cäzirä” jurnalistın ütergän höcümne başqaruın rasladı.

Alar operatornı "XAMAS” terrorçısı" dip atıy, läkim monı raslawçı bernindi dälil dä kitermi.

Xalıqara jurnalistlar federatsiyäse mäg’lümatları buyınça, İzrail’ 2023 yılnıñ oktyabrennän birle Ğazzädä 262dän artıq jurnalistnı ütergän.