Törkiyä Cömhüriyäte ilbaşı idaräseneñ  êlemtä  bülege başlığı Burhanettin Duran “NSosyal” akkauntında Bötendön’ya qaçaqlar köne uñayınnan  belderü yasadı.

Suğışlar, bäreleşlär häm zolım arqasında tuıp-üskän cirlärennän kitärgä mäcbür bulğan millionlağan keşeneñ facigäle yazmışına iğtibarnı cälep itkän Duran bolay dide:

“Bügen Ğazzädä küzätelgän faciğa mäcbüri räweştä küçerelü häm ğayepsez tınıç xalıq kiçergän gumanitar dramanıñ iñ awır ürnäkläreneñ berse bularaq xäterlärgä uyılıp qaldı.

Törkiyä ilbaşı Räcäp Täyyip Ärdoğan här forsatta assızıqlağança, cäberlängännär yanında toru, ğadellekne yaqlaw häm keşe abruyın saqlaw —keşelekneñ urtaq vöcdanı aldındağı cawaplılıq.

Törkiyä üz tarixınnan häm mädäniyät qıymmätlärennän alğan ilham belän xaqsızlıqqa duçar bulğannarnıñ tawışı bulıp, vöcdan häm ğadellekne östen quyuçı pozitsiyäsen qatğıy räweştä däwam itäçäk.

20 iyün – Bötendön’ya  qaçaqlar köneneñ xalıqara cämğıyät’ne  tağın da kübräk cawaplılıqnı üz östenä alırğa, daimi çişeleşlär tabarğa  çaqıruın häm ber keşe dä Watannarın taşlap kitärgä mäcbür bulmağan  ğadel dön’ya buldıruğa öleş kertüen telim”.