Franśiyädä xökümätneñ yöklämälären citärlek dip sanamağan yuğarı sıynıf uquçıları küp kenä şähärdä mäktäplärne qamaw çaraların yañadan başlağannar.
Cirle matbuğatta urın alğan xäbärlärgä qarağanda, başqala Parij belän berrättän Marsel, Tuluza, Renn häm Lion şähärlärendä yözlägän yuğarı sıynıf uquçısı protest çarası ütkärep, mäktäplärgä kerü yulların yapqan.
Marseldä 75 mäktäp çaralardan zıyan kürgän, 7 mäktäptä isä qamaw çarası däwam itä.
Tuluzada yuğarı sıynıf uquçıları Bertelo häm Arenes mäktäpläre aldında çüp sawıtları häm barrikadalar yärdämendä mäktäplärgä kerü yulların yapqannar.
Franśiya mäğarif ministrı Êduard Djeffrey “France Inter” ga yasağan belderüendä başqala Parijdağı İl-de-Frans töbägendä, Nord provinśiyäsendä häm Tuluzada qayber mäktäplärdä çaralar säbäple belem birü prośessınıñ özelüen citkergän.
