Hind okeanınıñ tön’yaq-könçığışında urnaşqan Bengal qultığında barlıqqa kilgän "Arnab" śiklon dawılı töbäk illärendä tormışqa naçar täêsir itä.
Şri-Lankanıñ afät belän idarä itü üzäge "Arnab" śiklon tufanınıñ 12 töbäkkä täêsir itüen belderde.
Üzäk äytüençä tufan kiterep çığarğan naçar hawa şartlarında 10 meñnän artıq keşe zıyan kürde; ber keşeneñ ğomere özelde häm 215 öy zarar kürde.
“The Star” gazetı xäbärenä kürä Şri-Lanka mäğarif ministrlığı mäktäplärneñ 27 oktyabrdä yabıluın iğlan itte.
“India Today” xäbärlärenä kürä "Arnab" tufanınıñ säğatenä 115-125 çaqrım tizlek belän baruı, cil tizlegeneñ säğatenä 140 çaqrımğa citä aluı kötelä.
Milli krizis belän idarä itü komitetı dawıl belän bäyle äzerleklärne küzdän kiçerä, Hindstan Timer yulları iminlek maqsatı belän 53 poyezd säfären tuqtattı.
Dawıl täêsire kötelgän töbäklärdä mäktäplär waqıtlıça yabıldı, plyajlarğa kerü dä tıyıldı.
Risklı urınnarğa Milli afät belän köräş köçe törkemnäre häm törle cihazlar urnaştırıldı.
