İspaniyaneñ räsmi xäbär agentlığı EFE mäğlümatlarına qarağanda, bügen irtän cirle waqıt belän 08:54 säğattä Toledo şähäre yanındağı Los Yebenesta ike tiz yöreşle poyezd bäreleşkän.

112 Aşığıç yärdäm xezmäte çığanaqları mäğlümatlarına qarağanda, bäreleş näticäsendä ike vagon taw itägennän  tägäräp töşkän.

Qaza Madridtan Sevilyağa yul totqan Renfe şirkäteneñ tiz yöreşle poyezdı belän qarşı yünäleştä xäräkät itkän Iryo şirkäteneñ tiz yöreşle poyezdı bäreleşü näticäsendä kilep çıqqan.

İspaniya matbuğatı Grajdannarnı yaqlaw xezmäte häm 112 Aşığıç yärdäm xezmäte çığanaqlarına sıltama belän ike tiz yöreşle poyezd bäreleşkän hälakättä kim digändä 46 keşeneñ ğomere özelüen citkerde.

Ülüçelärdän tış, küp sanda keşe yaralanğan qazada ike poyezddağı barlığı 544 yulçı zıyan kürgän.

Şul uq waqıtta, Toledo tiräsendäge barlıq xastaxanälärdä bügenge köngä planlaştırılğan operatsiyälärneñ kiçekterelüe häm qazada yaralanuçılarğa östenlek bireläçäge xäbär itelde.

Berençel tikşerülärgä qarağanda, qazanıñ töp signal sistemasındağı keşe xatası arqasında kilep çıguı farazlana.

Qaza säbäple İspaniya premyer-ministrı Pedro Sançes, berniçä ministr häm oppozitsiyädäge säyäsi partiyälär citäkçeläre köndezge programma­ların ğamäldän çığarğan.

Qaza arqasında Madrid, Syudad-Real häm Andalusiya arasındağı poyezd säfärläre waqıtlıça tuqtatılğan.

Iryo şirkäte Madridtağı Atocha timer yul stanśiyäsennän başqarıla torğan barlıq säfärlären tuqtatuın belderde.

İspaniyädä soñğı zur poyezd qazası 2026 yılnıñ 18 ğıynwarında ilneñ könyağındağı Kordova şähäreneñ Adamus rayonında bulğan ide.

Iryo şirkäteneñ tiz yöreşle poyezdı relslardan çıgu näticäsendä 46 keşeneñ ğomere özelgän ide.