Qıtay däwlät mäğlümat çaraları xäbär itüençä, ilneñ êçke öleşendäge feyerverk êşxanäsendä bulgan şartlawda, kim digändä, 21 keşe hälak bulgan, 61 keşe yaralanğan.
Qıtaynıñ “Sinxua” däwlät agentlığı sişämbe könne yasagan belderüendä şartlawnıñ düşämbe könne töştän soñ Hunan provintsiyaseneñ Çanşa şähärendäge feyerverk êşxanäsendä buluın xäbär itte.
Waqıyga urınına yaqınça 500 qotqaruçı cibärelgän, yanaw bulgan rayonnarda êvakuatsiya ütkärelgän.
Xakimiyätlär şartlaw säbäben tikşerä.
“Sinxua” xäbär itüençä, ilbaşı Si Tszinpin yuğalğan keşelärne êzläw häm yaralanuçılarnı qotqaru öçen çaralar kürergä boyırğan, şul uq waqıtta, waqıyğadan soñ tikşerü başlawnı taläp itkän.
Qıtayda sänäğat hälakätläre, şul isäptän, feyerverk sänäğatendä yış oçrıy.
