Törkiyä räsmiläre İzrailneñ xalıqara sularda qulğa töşergän Global Sumud humanitar yärdäm flotiliyäse köymälärendä bulğan törek watandaşları belän törle illärdän başqa aktivistlarnıñ oçqıç belän Törkiyägä kiterelüen belderde.

Ğazzä qamalışın açu häm möhim humanitar yärdämne citkerü öçen çıqqan yulda xalıqara sularda İzrail ğaskäreneñ höcümenä duçar bulğan Global Sumud flotiliyäse aktivistları maxsus oçqıç belän İstanbulğa kiterelde.

Girittän xäräkät itkän Törek hawa yulları oçqıçında 18 Törkiyä watandaşı belän bergä barlığı 59 keşe urın aldı.

Törkiyä tışqı êşlär ministrlığınnan alınğan mäğlümatkä kürä, sälamätlek kontrole arqasında bu oçqıçqa utıra almağan 2 törek watandaşınıñ da şimbä könne Törkiyädä buluı kötelä.

Oçqıç belän kilüçelär arasında Törkiyä watandaşları belän bergä 4 AQŞ, 5 Argentina, 2 Awstraliyä, 1 Baxreyn, 2 Braziliyä, 6 Angliyä, 1 Niderland, 3 İspaniyä, 2 İtaliyä, 10 Malayziyä, 1 Meksika, 1 Paqıstan, 1 Çili häm 2 Yaña Zelandiyä watandaşı bar.