Törkiyä ilbaşı urınbasarı Cäwdät Yılmaz Törkiyäneñ investiśiya moxiten nığıtu öçen yaña xoquqıy, administrativ häm finans çaraların ğamälgä aşıruın äytte, şulay uq global’ bilgesezleklär belän ışanıçlı köräşüen belderde.
Yılmaz düşämbe könne başqala Änkarada uzğan “Törkiyä ğasırı: investiśiya öçen köçle üzäk” dip atalğan cıyılışta çığış yasap, räsmilärneñ ilneñ köndäşlek säläten häm investiśiya moxiten arttıru öçen Törkiyä ilbaşı Räcäp Tayyip Ärdoğan tarafınnan comğa kön açıqlangan çaralarnı xalıqqa añlatu öçen cıyıluın belderde.
Yılmaz global’ iq’tisadta bilgesezlekneñ artuın häm geopolitik kiyerenkelekneñ küp töbäktä köçäyüen iskärtte.
Ul İran belän İzrail arasındağı kiyerenkelekneñ artu qurqınıçı häm AQŞnıñ da qatnaşuı bolay da zäğıyf’ bulğam möxitkä östämä yök kiterüen, bu waqıyğalarnıñ ênergiya bazarlarına, säwdä yullarına häm global’ finans şartlarına turıdan-turı täêsir itüen äytte.
İlbaşı urınbasarı mondıy tarqalğan moxittä totrıqlılıq, aldan farazlaw mömkinlege häm citeşterü quäteneñ global’ investiśiya yünäleşen bilgeläwçe töp faktorlarğa äylänüen assızıqladı.
Yılmaz Törkiyäneñ bu moxitne ışanıç häm diśiplina belän idarä itüen, xökümätneñ töbäk waqıyğalarınıñ iq’tisadqa potenśial’ yoğıntısın kimetü häm bazarlarnıñ tärtiple häm totrqılı êşläwen täêmin itü öçen kiräkle çaralar kürüen belderde.
Ul ilneñ makroiq’tisadi totrıqlılıqnı saqlap qaluın, citeşterü bazasın nığıtu belän berrättän nıqlı üseş trayektoriyäsen däwam itüen belderde.
“Bügenge köndä Törkiyä investiśiya häm sänäğat’ êşçänlege yağınnan totrıqlı, aldan farazlana torğan häm ışanıçlı partnyer bularaq alğı planğa çığa”,- dide Yılmaz.
İlbaşı urınbasarı ilneñ köçle sänäğat’ infrastrukturası, aldınğı logistika mömkinlekläre häm global’ qıymmät çeltärlärenä tirän integraśiyäse arqasında investorlar öçen köndäşlekkä sälätle häm nigezle êkosistema täq’dim itüen assızıqladı.
Yılmaz bolay dip östäde: “Awrupa, Aziya häm Yaqın Könçığış kiseşkän noqtadağı strategik geografik urınıbız global’ täêmin itü çeltärläre yañadan formalaşqan bu çorda möhim östenlek tudıra”.
Ul ilneñ citeşterü, säwdä häm taratu öçen üzäk bazağa äylänüen äytte.
Cäwdät Yılmaz süzlären yomğaqlap: “Bez ilebezneñ köndäşlek säläten arttıru häm investiśiya moxiten nığıtu öçen yaña xoquqıy, administrativ, finans häm institutśional’ tärtipkä salularnı ğamälgä aşırabız”,-dide.
