Ğazzädäge grajdannarnı saqlaw oyışması Fälästin cirlärendäge Xan Yunıs şähärendä kiçä tönlä İzrail höcüme näticäsendä öç keşeneñ häläq buluın häm höcümnän soñ İzrail xärbi oçqıçlarınıñ töbäk östendä oçuın belderde.
10 oktäbrdäge utnı tuqtatu kileşüenä qaramastan Ğazzä äle dä İzrail armiyäseneñ köndälek höcümnärennän tetränüen däwam itä.
Ğazzädäge grajdannarnı saqlaw oyışması süzçese Mäxmüt Bassal: "Ğazzäneñ könyağında urnaşqan Xan Yunusnıñ tönyaq-könbatışındağı Äl-Amal mäxälläsendäge Äl-Zakzuk çatırı yanında tön urtasında bulğan İzrail höcüme näticäsendä öç keşe hälaq buldı", — dip belderde.
Cirle xäbärlär hälaq buluçılar arasında kiçä genä yäräşkän Därwiş äl-Attalnıñ da buluın rasladı.
Şähärneñ tönyaq-könbatışında bulğan höcümdä küp sanda keşe yaralandı.
Ğazzä xökümäteneñ Media ofisı yasağan açıqlawda İzrailneñ xäzergä qadär utnı tuqtatu kileşüen üterülär, qulğa alular, däwam itüçe qamalış häm açlıqqa duçar itü kebek ğämällär belän tuplam 2 meñ 400 tapqır bozuın citkerde.
Ğazzä Sälamätlek saqlaw ministrlığı mäğlümatlarına qarağanda däwam itüçe qanun bozular 770tän artıq fälästinleneñ ülemenä häm 2 meñ 171 keşeneñ yaralanuına säbäp buldı.
