Global bilgesezlekneñ artuın xäl itü öçen oyıştırılğan bişençe Antaliya diplomatiya forumı comğa könne başlandı.

Törkiyä İlbaşı Räcäp Tayyip Ärdoğan ximayäsendä häm Törkiyä tışqı éşlär ministrlığı tarafınnan oyıştırılğan öç könlek forum Törkiyäneñ Urta diñgez töbägendäge Antaliya şähärendä "İrtägene planlaştırğanda bilgesezleklär belän köräşü" teması astında uza.

Çarada 150dän artıq ildän wäklllär qatnaşa, şul isäptän, 20dän artıq däwlät häm xökümät başlığı häm yaqınça 15 däwlät ilbaşı urınbasarı.

Forum, şulay uq, 50dän artıq ministrnı, şul isäptän, 40tan artıq tışqı êşlär ministrın häm 75 xalıqara oyışma wäkilen berläşterä.

Barılığı yaqınça 5000 qatnaşuçınıñ qatnaşuı kötelä, şul isäptän, 460tan artıq yuğarı däräcädäge qatnaşuçı, ğalimnär häm studentlar.

Forumda qatnaşuçı däwlät başlıqlarınıñ yartısı diyärlek Afrika häm Awrupadan. Şulay uq, forumda qatnaşuçı tışqı êşlär ministrlarınıñ da kübesençä Afrika, Awrupa häm Aziyädän buluı kötelä.

Forumda, ayıruça üzgärüçe global’ landşaftqa iğtibar birep, 40tan artıq panel häm çara uzaçaq, şul isäptän, säyäsi, iqtisadi, êkologik häm texnologik problemalarnı xäl itü buyınça citäkçelek däräcäsendäge fiker alışular.

Sessiyälär Forumnıñ räsmi saytında häm sotsial’ media platformalarında turıdan-turı êfirda kürsäteläçäk. Bu sessiyälärneñ kübese, şulay uq, Törkiyäneñ ictimağıy televideniyese - “TRT”dän kürsäteläçäk.

Törkiyä tışqı êşlär ministrı Xaqan Fidan berniçä oçraşuda, şul isäptän, Balkan tınıçlıq platforması tışqı êşlär ministrlarınıñ öçençe oçraşunda, Ğazzä sessiyäsendä, Törki däwlätlär oyışması tışqı êşlär ministrlarınıñ räsmi bulmağan oçraşunda häm Törkiyä-Paqstan-Soğud Ğaräbstanı-Misır oçraşunda qatnaşırğa tiyeş.