AQŞta il külämendä oyıştırılğan akademik bäygedä ciñgän liśey uquçıları tizdän Törkiyägä säyäxät itäçäk.

Amerika Dön’ya êşläre şuraları (WACA) tarafınnan oyıştırılğan 24nçe yıllıq “Academic WorldQuest” milli konkursı ciñüçeläre 27–28 aprel’dä uzğan ike könlek çaradan soñ Vaşingtondağı National Press Clubta büläkläw tantanasında iğ’lan itelde.

İndiana ştatındağı Karmel liśeyı uquçıları bıyıl barlıq komandalarnı ciñep berençe urınnı yawladılar.

Dürt uquçıdan häm alarnıñ uqıtuçılarınnan torğan ciñüçe komandağa Törek hawa yulları aviakompaniyäseneñ Vaşingtondağı direktorı İsmail Öztürk İstanbulğa barıp-qaytu biletların tapşırdı.

Uzğan yıl başqa mäktäptän ciñügä ireşkän uquçılar da şul uq sponsorlıq nigezendä biletlar alğan ide.

Bäygedä barlığı 34 liśey komandası qatnaştı.

Bäyge könüzäk waqıyğalar, FIFA Dön’ya kuboğı, qahwä, şokolad kebek tovarlar häm global’ temalarnı üz êçenä alğan  10 tur sorawlarınnan tordı.

Yarışnıñ maqsatı – yuğarı sıynıf uquçları arasında global’ mäs’älälär turında mäğ’lümatnı häm añlawnı arttıru.