Afinada Törkiyä, Bolgariyä häm Gretsiyä arasında qanunsız migratsiyä buyınça öçyaqlı oçraşu uzdı. Anda qatnaşqan êçke êşlär ministrı Mostafa Çiftçi, çaradan soñ Afinada törek matbuğatı wäkilläreneñ sorawlarına cawap birde.

Ministr Çiftçi öçyaqlı mexanizm qısalarında uzğan oçraşu turında bolay dip belderde: "Bu oçraşu bik näticäle buldı, nigezdä, Törkiyä, Gretsiyä häm Bolgariyä arasındaqı tärtipsez migratsiyägä qarşı köräşkä, mömkin qädär qarşılıqlarnı buldırmawğa häm tärtipsez migratsiyägä qarşı köräşne tiränäytügä yünältelde".

Ul kiläse oçraşunı İstanbulda ütkärergä qarar qıluların östäde häm bu mexanizmnıñ däwam itüe turında söyläde:

"Bez bu oçraşuda bu mönäsäbätlärne däwam itärgä qarar qıldıq, çönki bu barlıq illärneñ urtaq mänfäğatlärenä turı kilä. Bezneñ il qanunsız migratsiyägä qarşı köräştä böten dönya öçen ürnäk bula alırlıq xälgä kilde. Qanunsız migrantlar inde bezneñ ilgä ciñel genä kerä almıy. Alar irekle xäräkät itä almıy, häm totılğaç, deportatsiyälänälär. Bezneñ il xäzer qanunsız migratsiyägä qarşı bik uñışlı köräş alıp bara."