Xökümät räsmi zatları şimbä könne Yaponiyaneñ tönyağındağı urmannarda çıqqan yanğınnar belän yözlärçä yanğın sünderüçeneñ köräşüen häm räsmilärneñ 3 meñ 200dän artıq keşegä öylärennän kitü çaqıruı yasawın äyttelär.
Cirle citäkçelek räsmi zatları şimbä irtän Iwate töbägendäge tawlı urınnarda öç kön êlek başlanğan yanğınnarnıñ yaqınça 700 gektar mäydannı kölgä äyländerüen açıqladı.
Otsuchi rayonı yanındağı üzänlektän kütärelgän zur töten bağanası 30 çaqrım yıraqlıqtan kürengändä ike boralaq yanuçı urmanğa su sipte.
Otsuchidä yanğın sünderü maşinaları yanğınğa yaqın bulğan öylär tiräsendäge urmannarğa su siptelär.
Açıqlawdan kürengänçä şimbä könne yanğınnar belän köräş öçen yaqınça un boralaq, 1 300dän artıq yanğın sünderüçe häm Yaponiya Üz-üzeñne saqlaw köçläre berleklärenä wazifa bireläçäk.
Kim digändä sigez bina yandı läkin barlıq keşelärneñ evakuaśiyalänüe xäbär itelde.
Iwate räsmiye “AFP” agentlığına yasağan açıqlawında: “Yanğınnarnı sünderü öçen köç quyabız häm kön däwamında mäğlümatnı yañartıp toraçaqbız”, — dide.
Otsuchidä ber keşe “NHK” däwlät teleradiokompaniyasenä: “Yañğır yawar dip ömetlänäm”, — dip äytte.
Yıldan-yıl qorı uza başlağan qışlar, urman yanğını qurqınıçın arttırdı. Uzğan yıl başında Iwatenıñ Ofunato şähärendä çıqqan yanğın Yaponiyanıñ yarım ğasırdan artıq waqıt êçendä kürgän iñ naçar yanğını ide.
Ğalimnär kisätkänçä klimat üzgärüe qorılıq däwerlären tağın da qırısraq häm ozınraq xälgä kiteräçäk, bu isä urman yanğınnarı öçen iñ qulay şartlar tudıraçaq.
