Düşämbe könne İran İzrailneñ küzläw oyışması belän bäyläneşe buluda şiklänelgän ike keşene ülem cäzasına tarttı.

Mäxkämägä bäyle "Mizan Online" internet säxifäse Möxämmät Masum-şaxi häm Xämit Validineñ ülem cäzalarınıñ bügen irtän tañ atqanda başqarıluın xäbär itte.

Xäbärdä, ike şäxesneñ dä "Mossad” belän bäyle ber şımçı çeltäre äğzaları buluları belderelä. Alarnıñ qayçan qulğa alınuları isä äytelmäde.

"Mizan" mäğlümatları buyınça, ike keşe "moharebeh" (Allahqa qarşı suğış açu digänne añlata) dip atalğan ülem cäzası birelä torğan cinayättä häm, şulay uq, "doşman törkemnär häm sionist rejimı belän xezmättäşlek"tä gayeplängän.

İran 28 fevral’dä AQŞ häm İzrail belän suğış başlanğannan birle küp sanda ülem cäzasın başqardı. 8 apreldän birle ike atnalıq qıl östendäge utnı tuqtatu rejimı däwam itä.

İl tışındagı keşelek xoquqları oyışmaları mäğlümatları buyınça, İran Qıtaydan soñ dönyada iñ küp ülem cäzasın başqaruçı ikençe il bulıp tora.