FIFA başlığı Djanni Infantino, AQŞ häm İzrail Tähranğa qarşı suğışın däwam itsä dä, İran "hiçşiksez" 2026 yılğı dönya çempionatında qatnaşaçaq, dip belderde.
"İran, hiçşiksez, kiläçäk. Bez ul waqıtqa qadär xälneñ tınıç bulaçağına ömetlänäbez, bu, hiçşiksez, yärdäm itär ide", - dide Infantino “CNBC” telekanalına.
AQŞta iyün' ayına planlaştırılğan matçlar turında ul bolay dide: "Läkin İran kilergä tiyeş, alar üz xalqın täqdim itä, qatnaşu xoquqına iyä buldılar häm futbolçılar uynarğa teli".
"Sport säyäsättän çittä bulırğa tiyeş. Ägär küperlär tözügä häm alarnı nıq totuğa ışanğan başqa keşе bulmasa, bez bu êşne başqararabız"- dip östäde Djanni Infantino.
Bu belderü Meksika FIFAnıñ İrannıñ barlıq matçların AQŞnıñ kön’yaq kürşesenä küçerü üteneçen kire qağuın raslağannan soñ yasaldı.
28 fevral'dä AQŞ häm İzrail başlağan suğış arqasında İrannıñ turnirda qatnaşuı şik astına quyıldı.
İran 2025 yılnıñ martında Üzbäkstan belän 2:2 isäbe belän bärabärgä qalğannan soñ, 2026 yılğı futbol buyınça dönya çempionatına yullama aldı.
AQŞ, Meksika häm Kanada bergäläp qabul itkän çara11 iyünda başlana.
İrannıñ G törkemeneñ barlıq matçları - Bel'giya, Misır häm Yaña Zelandiyägä qarşı - AQŞta ütkärü planlaştırıldı.
FIFA säxifäsendäge uyın kalendarena qarağanda, İran Yaña Zelandiyä belän 15 iyündä Los-Anjeles stadionında, Bel'giya belän 21 iyündä - şunda uq, ä Misır belän 26 iyündä Siêtl stadionında uynayaçaq.
