Çüllär häm dalalar bulğan Üzbäkstanda çellä iyünneñ soñğı könnärendä başlana, iyül ayında häm avgustnıñ berençe biş könendä däwam itä.

İldä qızular köndälek tormışqa bik nıq täêsir itä.

Üzbäkstannıñ Gidrometeorologiya üzäge mäğlümatlarına kürä, bu atnada ilneñ zur öleşendä 41-43 gradus, tönyaq, könyaq häm çüllärdä isä 44-46 gradus bulaçaq.

Temperaturanıñ çül töbäklärendä atna urtasında 46-48 däräcägä qadär kütärelüe kötelä.

Hawa däräcäse tönlä dä bik kimemi. 23 belän 33 arasında kürsätä. Qayber urınnarda cil häm tuzan burannarı buluı ixtimal.

Qızular ilneñ ênergiya qullanuına da turıdan-turı täêsir itä, qayber töbäklärdä êlektr utı özelüläre bulıp tora.

Qayber töbäklärdäge balalar baqçaları yabıldı.

Taşkentta metro poezdlarınıñ tizlege töşerelde.

Sälamätlek saqlaw ministrlığı da watandaşlarğa êsse hawalarda tuqlanu häm köndälek tormış mäs'äläsendä kisätülär yasadı.