Ukraina räsmi zatları ilneñ kön’yağındağı Xerson qalasında avtobusqa oyıştırılğan Rusiya dron höcümendä 2 keşeneñ hälaq buluın, 7 keşeneñ yaralanuın belderde.
Ölkä gubernatorı Oleksandr Prokudin Telegramda yasağan belderüendä ülüçelärneñ kübeseneñ däwlät xezmätkärläre buluın äytte.
Prokudin waqıyğa urınınnan täräzäläre watılğan avbtobus häm qannar êçendäge mäyetneñ fotoräsemnären urtaqlaştı.
Ukrainanıñ Keşe xoquqları ombudsmenı Dmitriy Lyubineś Telegramda: “Mondıy höcümnär – tınıç xalıqqa qarşı sistemalı terror säyäsäteneñ ber öleşe”, - dip belderde.
Rusiya köçläre tarafınnan basıp alınğan berdänber töbäk başqalası Xerson 2022 yılda Ukraina ğaskärläre tarafınnan kire qaytarılğan ide, läkin şähär Dnepr yılğasınıñ qarşı yarında Rusiya köçläreneñ höcümnärenä könnän -kön kübräk duçar bula.
Ukraina räsmi zatları Mäskäw köçlären front sızığına yaqın töbäklärdä, bigräk tä Xersonda, tınıç xalıqqa qarşı maxsus häm sistemalı keçkenä masştablı dron höcümnäre oyıştıruda ğayepli.
Soñğı berniçä ayda kön sayın diyärlek Rusiya höcümnärenä duçar bulğan Odessa ölkäsenä dä tönlä höcümnär buldı.
Töbäk gubernatorı Oleg Kiper Telegramda yasağan belderüendä porttağı skladnıñ häm anıñ tiräsendäge binalarnıñ zıyan kürüen belderde.
Ukraina hawa köçläre tönlä Rusiyä cibärgän 163 ozın radiuslı dronnan 142sen bärep töşerüen belderde.
