AQŞ ilbaşı Donald Tramp ileneñ höcümnär belän İrannı nıq köçsezländerüen häm İrannıñ qalğan atom qorılmaların nibarı "10 minut" êçendä yuq itä aluların belderde.
“CBS” televideniyese xäbär itüençä, Tramp Florida ştatınıñ Palm-Biç şähärendäge Mar-a-Lago utarında jurnalistlar belän söyläşte.
Tramp AQŞ xärbi operatsiyäläre İrannıñ qorallı köçlären häm atom asqormasın nıq qaqşatuın rasladı häm "nişanğa alınaçaq biq az ob'yekt qaluın" belderde.
Tramp: "Bezneñ äle xäl itäse ber-ike ob'yekt qaldı dip äytä alam. Läkin bez monı 10 minut êçendä başqara alabız. Bezneñ şundıy plan bar", - dide.
Qatar aradaşçılığında Vaşington häm Tähran arasında mömkin bulğan söyläşülär turında sorağaç, Tramp yaña xärbi ğamällärgä äzärlek turında işaräläde.
Tramp: "Mäsälän, "Kazma tawı" mäs'äläse bar, bez monı da xäl itärgä tiyeş. Bez bolarnıñ barısın da tiz arada xäl itä alabız", - dide.
