Ğiraqnıñ Kärkük şähärendä yaqınça ber atna däwam itäçäk 4nçe traditsion anar festivale başladı.
Kärkük şähär üzägendäge Aden bistäsendä urnaşqan Baba Gürgür parkında küp sandağı keşelär qatnaşında oyıştırılğan çara uza.
Festivalneñ oyıştıruçısı İbrahim Xälil äytüençä bıyılğı anar festivalenä qızıqsınu zur.
İbrahim Xälil bu häm oxşaş çaralarnıñ maqsatı cirle citeşterügä östenlek birü häm anı kiñäytü buluın bilgeläp ütte. Häm şulay uq Kärküktäge igençelärgä yärdäm itärgä teläwlären östäde.
Xälil festivaldä törle anar törlärennän tış anar sogı häm anar qaynatması da kürsätelgänen, igençelär bu çarada yaqınça 42 tonna anar belän qatnaşqanın belderde.
Çara 3 noyabrğa qadär baraçaq.
