Törkiyädä Cömhüriyät tözelüeneñ 103 yıllığı başqala Änkarada oyıştırılğan tantanalar häm il külämendäge törle çaralar belän qotlana.
Änkaradağı qotlawlar İlbaşı Räcäp Tayyip Ärdoğan häm yuğarı däräcäle räsmilärneñ Cömhüriyätkä nigez saluçı Mostafa Kemal Atatörek mavzoleyı Anıtkabergä ziyarät qıluı belän başlandı. İlbaşı Ärdoğan Anıtkabergä barğannan soñ qotlawlarnı qabul itü öçen İlbaşı qolliyäsenä yul tottı, anı yuğarı däräcäle däwlät wäkilläre ozatıp yörde.
1923nçe yılnıñ 29nçı üktäbrendä Cömhüriyätneñ iğlan itelüeneñ 103 yıllığı qotlanğanda İlbaşı Ärdoğan Törkiyäneñ saqlanu, ênergetika, transport häm diplomatiya ölkälärendä ireşkän uñışlarına iğtibarnı yünältte.
Ğadälät ministrı Akın Gürläk İlbaşı Ärdoğan liderlığında 2053 häm 2071 maqsatları nigezendä êşläwlären häm ireşelgän qazanışlarnı tağın da alğa taba alıp barunı maqsat itülären belderde.
Milli küzläw oyışması başlığı İbrahim Qalın, Cömhüriyätneñ Törkiyäneñ bäysezlegen, berdämlegen häm urtaq kiläçägen wäkillek itüenä basım yasap, MİT Milli küzläw oyışmasınıñ milli qurqınıçsızlıqnı häm möstäqillekne saqlaw öçen êşlärğä däwam itäçägen iskärtep uzdı.
