İlbaşı Räcäp Tayyip Ärdoğan bolay dip belderde: "İzrailneñ citdi provokatsiyälärenä qaramastan, bez Süriyädä tınıçlıq, xozur häm totrıqlılıqnıñ yañadan torgızıla başlawın küräbez".

İlbaşı Törkiyäneñ Böyek Millät Mäclesendä AK partiyäneñ parlament törkeme utırışında çığış yasadı.

İlbaşı Ärdoğan Törkiyäneñ här êtapta Süriyä yanında toruın häm Süriyä xalqınıñ iminlege häm tınıçlığı öçen üz cawaplılığın ütärgä tırışuın äytte.

"Balalarnı üterüdän läzzät aluçı cinayätçelär, qaya ğına qaçsalar da, berämtekläp açıqlana häm yuq itelä. Qullarında qoral belän Törkiyägä yanawçılar, Ban'yasta 248 ğayepsez keşeneñ häm Räyxanlıda 53 keşebezneñ qanın tükkännär, Süriyä balalarınıñ mäyetläre östendä kaharman şikelle fotoğa töşkän yawızlar öçen cawap birü waqıtı çitte" - dip söyläde ilbaşı häm bolay dip östäde:

“Min Ban'yas, Räyxanlı häm Süriyädäğe (uzğan atnada) qanlı höcümnär öçen cawaplı terroristnı totunı täêmin itkän Süriyä küzläwe häm Milli küzläw oyışmasınıñ (MIT) yäşeren qaharmannarın qotlıym.”