Törkiyä ilbaşı Ärdoğan yullamasında tübändäge süzlärne citkerde:

“İlем häm xalqım isemennän Berläşkän Millätlär Oyışmasın 81 yıllığı belän çın küñleldän qotlıym. İlebezdä häm dönyanıñ törle poçmaqlarında xezmät itüçe BMO xezmätkärlären, bigräk tä ğomum särqatip Antonio Guterrişne qotlıym.

İke Bötendönya suğışınnan soñ kiläçäk buınnarnı suğış afätennän saqlaw teläge belän tözelgän BMO berençe könnän ük xalıqara tınıçlıqnı häm iminlekne saqlaw, üseş häm mullıq öçen üz östenä zur cawaplılıqlar ala.

Bügenge köndä bez kürgän suğışlar, gumanitar afätlär, klimat üzgäreşe, açlıq häm fäqirlek, rasizm, ksenofobiya häm islamofobiya kebek global' qıyınlıqlar  BMOnıñ tözelü missiyäseneñ kimemäwen, kiresençä artuın kürsätä.  

Keşelek bügenge köndä dä BMO Ustavında kürsätelgän urtaq iradä tormışqa aşırıla torğan, suğışlar tämamlana torğan, daimi tınıçlıq xökem sörä torğan kiläçäkkä omtıla.

Bu uñaydan, BMO İminlek Şurasın tağın da ğadel, kiñ qolaçlı häm xalıqara cämäğatçelekneñ kötkännären qanäğatländеrä alırlıq itep üzgärtep qoru ayıruça möhim.  Ğazzädä bulğan häm 74 meñnän artıq ğazzäleneñ  ğömeren özgän genośid, şulay uq dönyanıñ başqa töbäklärenä cäyelgän krizislar häm bäreleşlär bu ixtiyacnıñ aşığıç buluın kürsätä.

Şuşı añlayış belän, ğomum särqatip tarafınnan başlatılğan BMO 80 iniśiativasın yaqlıybız. İstanbulnı BMO üzägenä äyländerü öçen oyışma belän yaqın xezmättäşlek itäbez.

Şuşı uñaydan, 24 oktyabr — Berläşkän Millätlär Oyışması köne belän qotlıym.   Tağın da ğadel dönyanıñ mömkin buluına ışanıp, xalıqara sistema häm anıñ üzägendä torğan BMOnы tağın da näticäle häm kiñ qolaçlı itügä yünältelgän tırışlıqlarıbıznı qatğıylıq belän däwam itäçägebezne tağın ber qat assızıqlıym”.