Franśiyädäge qan agentlığı saqlaw qorılmalarında qullanılğan suıtu sistemasına kiberhöcüm yasalğan.

1 noyabrdän 2 noyabrgä qarşı töndä Burgundiya-Franş-Konte töbägendä Franśiya qan agentlığı  (EFS) saqlaw qorlmalarında qullanılğan suıtu sistemasına kiberhöcüm oyıştırılğan.

Xakerlar qan ürnäkläre saqlanğan törle saqlaw qorılmalarında temperaturanı minus 30 gradustan 110 gradusqa qadär kütärgän.

Ber texnik xezmätkär temperaturanıñ anomal’ kütärelüen tiz arada sizep alğan.

Franśiya sälamätlek saqlaw ministrlığı wäzğıyätneñ waqıtında açıqlanuı näticäsendä waqıyğanıñ operativ  yoğıntısı bulmawın belderde.

Franśiya qan agentlığı citäkçese Frederik Paku: “Qannarnıñ  iminlegenä qurqınıç bulmadı. Bez awırularnı däwalawda qullanılaçaq qan ürnäklären yäki plazma paketların yuğaltırğa mömkin idek”, – dip belderde.

Kiberhöcümne oyıştıruçılarnıñ kem buluı älegä bilgele tügel.