Törki däwlätlär oyışmasınıñ 13 nçe Däwlät başlıqları şurası utırışı Änkaranıñ Bäştäpä milli kürgäzmä zalında uzdı.

Oçraşuda Törkiyä Törki däwlätlär oyışmasındağı räislekne Azärbaycannan qabul itep aldı.

İlbaşı Räcäp Tayyip Ärdoğan Azärbaycanğa räislek itkän waqıttağı tırışlıqları öçen räxmät belderde.

Ärdoğan Törkiyä räislege waqıtında oyışmanıñ älegä qadär tuplağan institutsional' täcribäsen tağın da konkret qazanışlarğa äyländerergä omtıluın belderde häm: "Bez tuğanlıq bäyläneşlärebezne nığıtu öçen urtaq tel taratu, mädäni êşçänlekne, bigräk tä sportnı xuplaw häm illärebez arasında säyäxätlärne ciñeläytü kebek ölkälärdä alğa kiteş yasarğa teläbez", - dide.

Ärdoğan bolay dip östäde: "Räislek itü waqıtında bez yasalma aqıl häm sanlı üseş buyınça ğamäi planın näticägä yünältelgän häm qabatlanmağan yaqınlaşu yulı belän alğa cibäräçäkbez".