Ukraina däwlät başlığı Volodimir Zelenskiy sośial çeltärdäge akkauntınnan urtaqlaşqan videoyazmasında Rusiyä-Ukraina suğışındağı soñğı täraqqıyätlärgä bäyä birde.
Volodimir Zelenskiy Rusiä ğaskärläre Ukrainanıñ törle töbäklärendäge ênergetika asqormasına oyıştırğan hawa höcümnäre arqasında ildä barlıqqa kilgän êlektr özelülären beterü öçen êşçänlekneñ däwam itüen belderde.
Zelenskiy yıraq arağa atuçı qorallar belän Rusiägä qarşı höcümnärne arttıru östendä êşläwlären äytte.
Ukrainanıñ hawa saqlanu mömkinleklären nığıtu öçen tırışlıq quyuların assızıqlağan Zelenskiy tübändägelärne citkerde:
«Yaña qararlar äzerlibez. Çın küñeldän yärdäm kürsätüçe härkemgä räxmät belderäm. Törkiyädä möhim söyläşülär bulaçaq. Monnan tış, bez barlıq diplomatik mömkinleklärne ğamälgä aşıru öçen dä êşlibez. Noyabr ayında ozaq waqıt buyı fiker alışınğan formatlarğa ireşä alaçağıbıznı farazlıybız».
Üz çığışında Rusiä tarafınnan qanunsız räweştä anneksiälängän Ukrainanıñ Xerson ölkäsendäge Oleşki şähärendä däwam itüçe gumanitar operaśiya qısalarında başqarılğan êşlärgä dä tuqtalğan Zelenskiy, şähärdän tınıç xalıqnı êvakuaśiäläwneñ däwam itüen xäbär itte.
