İzrailneñ ictimağıy televideniese “KAN” xäbär itüençä, AQŞ İranğa qarşı xärbi höcümgä äzerlek qısalarında İzrailneñ Negev töbägendäge hawa bazalarına 10 xärbi yök oçqıçı cibärgän.

Pänceşämbe könne bastırılğan belderüdä oçqıçlarnıñ Ovda häm Nevatim hawa bazalarına töşep utıruı häm qayber AQŞ xärbi oçqıçlarınıñ, şulay uq, Yordaniya, Soğud Ğaräbstanı häm Katardağı bazalarına cibärelüe äytelä.

“KAN” xäbär itüençä, oçqıçlar Texastağı “Fort Blisst”an oçqan, anda AQŞnıñ iñ zur xärbi hawa saqlanu üzäkläreneñ berse urnaşqan.

AQŞ älegä bu mäs'äläne raslamadı. Oçqıçlarda nindi yök bulğan yäki Vaşington İranğa höcüm itärgä qarar qılğanmı-yuqmy - älegä açıq tügel.

İzrail räsmiye televideniyegä İzrail häm AQŞnıñ xärbi äzerleklär buyınça tığız koordinatsiyädä buluın äytte. Wäkil: "İzrail häm AQŞ tığız koordinatsiyädä. Älegä bernindi qarar da qabul itelmäsä dä, amerikalılar da, izraillelär дә AQŞ ilbaşı Donald Tramp qabul itärgä mömkin bulğan teläsä-nindi qarar öçen äzerlänä", - dip belderde.