Tramp cirle waqıt belän irtänge 10da Xalıq cıyılışları zalına kilde; kön tärtibendä däwam itüçe konflikt belän berrättän texnologiya, säwdä häm tamğaxanä salımnarı kebek möhim mäs’älälär dä bar.
Tramp Qıtay liderı belän ütkärgän söyläşüdä AQŞ-Qıtay mönäsäbätläreneñ kiläçäge mäs’äläsendä optimist buluın citkerep, ike yaqlı mönäsäbätlärneñ härwaqıttağıdan da yaxşı bulaçağın belderde.
Donald Tramp Qıtay liderı belän şäxsi yaqınlığına basım yasadı häm zaldağı tantanada Si citäkçelegen tübändäge süzlär belän maqtadı: “Qıtayğa häm sezneñ êşegezgä zur xörmät belän qarıym. Sez ğacäyep citäkçe. Sezneñ dustığız buluım belän ğorurlanam.”
Şi isä oçraşunıñ başında yasağan belderüendä AQŞ ilbaşı Tramp belän ike ilne häm dönyanı qızıqsındırğan mäs’älälärne bäxäsläşergä häm mönäsäbätlärne döres yünäleştä alğa cibärep, kiläçäk öçen yaña bit açarğa teläwlären äytte.
İke lider arasındağı sammit säwdä häm êş mönäsäbätlären kiñäytügä yünälde. Regional’ iminlek tä sammit kön tärtibendä urın aldı; şulay uq AQŞ häm İzrailneñ İranğa qarşı 28 fevral’dä başlanğan höcümnärennän soñ Yaqın Könçığıştağı kiyerenkelek qaraldı.
Xäzerge waqıtta ğämäldä bulğan utnı tuqtatu kileşüenä qaramastan Qıtay taraflar arasında dialog alıp barırğa çaqırdı, Vaşington citäkçelege isä Pekin citäkçelegen İrannıñ xärbi häm iqtisadi infrastrukturasına yärdäm itüdä gäyeplägän ide.
Qıtayğa säfärendä Tramp yanında tışqı êşlär ministrı Marko Rubio, saqlanu ministrı Pit Xegset häm “Tesla”, “Nvidia” belän “Apple” kebek zur AQŞ şirkätläreneñ yuğarı däräcäle citäkçeläre dä urın alğan delegaśiya bar.
Donald Tramp êlekkege ilbaşı çorında 2017 yılda da Qıtayğa säfär yasağan ide.
