Fälästinlelär öçen êşläwçe İzrail xoquq yaqlaw törkeme şimbä könne yasagan belderüendä, İzrail qurqınıçsızlıq organnarınıñ Global’ Sumud flotiliyäsennän ike aktivistnı irekkä cibärü plannarı turında xäbär itüen äytte.

“Adala” matbuğat relizında İzrailneñ êçke qurqınıçsızlıq xezmäte Şin Betnıñ “Adala”nıñ yuridik komandasına Braziliyä watandaşı Tiago de Avila häm Fälästin-İspaniyä aktivistı Saif Äbu Keşeknıñ şul könne soñraq irekkä çığarılaçağı turında xäbär itüen belderde.

İzrail xaqimiyätläre Avila häm Äbu Keşekne immigratsiyä organnarına tapşıraçaq, häm alar deportatsiyälängänçe saq astında totılaçaq, diyelä xäbärdä.

Çärşämbe könne Berşebadagı İzrail rayon mäxkämäse keşe xoquqların yaqlaw oyışması “Adala”nıñ aktivistlarnı totqarlaw waqıtın ozaytuğa qarşı şikayäten kire qaqtı.

İzrail köçläre 30 apreldä qamaw astındagı Ğazzä szığınnan yaqınça 600 diñgez mile yıraqlıqtagı Krit utrawı yarı yanında Global’ Sumud flotiliyäsenä basqın oyıştırdı häm aktivistlarnı alıp kitte.