Ministrlıqtan yasalğan belderüdä äytelgänçä, Mäskäwdä qurqınıçsızlıq säbäpläre arqasında waqıtlıça mobil’ internet çikläwläre kerteläçäk.

Başqalada 7-8 may könnärendä mobil’ internetqa qağılışlı çikläwlär planlaştırılmawı äytelgän belderüdä: “Şulay da iminlekkä aşığıç yanawlar barlıqqa kilgän oçraqta çikläwlär kertelergä mömkin”,-diyelde.

Belderüdä 9 mayda Ciñü könen bäyräm itügä qağılışlı iminlek çaraları küreläçäge bilgeläp ütelde.

 “Mäskäwdä mobil’ internetqa kerü, SMS cibärü xezmätläre, şul isäptän “aq isemlekkä kertelgän “saytlarğa kerü waqıtlıça çiklänäçäk”,-diyelde.

Belderüdä çıbıqlı internetqa çikläwlär bulmayaçağı citkerelde.

Mäskäw Ukraina pilotsız oçu apparatları  höcümnäre arqasında waqıt-waqıt mobil’ internetqa çikläwlär kertä.

Soñğı tapqır 5 mayda çikläwlär säbäple bigräk tä onlayn taksi çaqıru häm rizıq zakazı quşımtalarında qıyınlıqlar küzätelde.

Ukraina soñğı waqıtta Mäskäwgä dron höcümnären arttırdı.