İran parlamentı räise Möxämmäd Baqır Qalibaf strategik buğazda kiyerenkelek däwam itkän itkändä Ormuz buğazında yaña tigezlämä formalaşa başlawın belderde.
Sişämbe könne X sośial’ media akkauntı aşa yasağan belderüendä Qalibaf bolay dide: “Diñgez transportı häm ênergiya tranzitı iminlegenä AQŞ häm anıñ berlektäşläre utnı tuqtatu kileşüen bozu häm blokada säbäple qurqınıç yanadı, läkin alar kitergän zıyan kimeteläçäk.”
Qalibaf şulay uq: “Xäzerge wazğıyät’ AQŞ öçen tüzep bulmaslıq xälgä äylände”,- dip östäde.
AQŞ häm İzrailneñ 28 fevral’dä İranğa qarşı höcümnär başlawı Tährannıñ İzrailgä, Farsı qultığındağı AQŞ berlektäşlärenä qarşı cawap çaralarına häm Ormuz buğazın yabuga kiterde.
8 apreldä Paqıstannıñ aradaşçılığı belän utnı tuqtatu kileşüe ğamälgä kerde, läkin İslamabadta ütkän söyläşülär daimi kileşügä kitermäde. Utnı tuqtatunıñ waqıtı soñraq AQŞ ilbaşı Donald Tramp tarafınnan bilgesez waqıtqa ozaytıldı.
13 apreldän birle Amerika Quşma Ştatları Ormuz buğazında İran diñgez xäräkätenä qarşı diñgez qamalışın alıp bara.
