Dönya kubığı 32 yıldan soñ Tönyaq Amerikağa äylänep, Kanada, Meksika häm Amerika Quşma Ştatları bu çaranı barlığı 16 şähärdä uzdıraçaq. Tarixta berençe tapqır turnirda 48 il qatnaşaçaq, ul 39 kön däwam itäçäk häm futbol canatarları barlığı 104 qızıqlı matç qarayaçaq. Argentina üz titulın saqlap qalırğa omtılaçaq; ä Yordaniya, Üzbäkstan, Kyurasao häm Kabo-Verde Cömhüriyäte kebek illär finalda berençe tapqır qatnaşu dulqınlanuın kiçeräçäk.
Komandalar sanı artu belän turnir formatına da radikal üzgäreşlär kertelde. Êlekkege yıllardan ayırmalı bularaq törkem êtabınnan soñ 1/8 finalğa turıdan-turı sikerü bulmayaçaq; anıñ urınına 32 komanda köç sınaşaçaq yaña play-off östäläçäk. Futbol tamaşası Meksikada 11 iyundä başlanaçaq häm 19 iyuldä N’yu-Yorktağı N’yu-Djersi stadionında zur final belän tämamlanaçaq. FİFA şulay uq marketing strategiyaläre qısalarında turnir däwamında barlıq stadionnarnıñ isemnärenüz şähärläre isemnärenä üzgärtte.
Turnirnıñ berençe matçı 11 iyundä Mexikoda Meksika häm Könyaq Afrika arasında uynalaçaq. 27 iyundä törkem matçları tämamlanğannan soñ 28 iyun könne 1/32 finalı belän play-off êtabı başlanaçaq. Çirekfinallar 9-11 iyuldä, yarımfinallar 14-15 iyuldä uzaçaq, ä dönya çempionın bilgeläw öçen soñğı matç 19 iyul, yäkşämbe könne N’yu-Yorkta bulaçaq.
Törkiyä milli futbol komandası turnirnıñ D törkemenä kertelde, anda Amerika Quşma Ştatları, Awstraliya häm Paragvay komandaları da bar. Törek törkeme berençe matçın 13 iyundä Vankuverda Awstraliyağa qarşı ütkäräçäk.
