Törkiyä tışqı êşlär ministrı Xaqan Fidan sotsial' çeltär xisabında Törkiyä-Soğud Ğaräbstanı koordinatsiya şurasınıñ öçençe utırışı turında yazma urtaqlaştı.

Soğud Ğaräbstanı tışqı êşlär ministrı Faysal bin Färxan belän utırışta räislek itülären beldergän Fidan, qızıqsınuçı ministrlıqlar häm oyışmalar belän bergä säwdä, ênergiyä, saqlanu, mäğarif, mädäniyät, turizm häm transport kebek strategik ölkälärdäge komitet êşçänlegen bäyäläwlären häm ikeyaqlı mönäsäbätlärne korporativ qısada qarawların äytte.

Fidan, Ğazzäne dä kertep, regional' mäs'älälär dä söyläşelgän utırış qısalarında "Diplomatik häm xezmät pasportı iyälären viza yöklämäsennän üzara azat itü turındağı kileşü"gä imza quyuların belderde.

Ministr Fidan, bu kileşüneñ ike il öçen dä xäyerle buluın teläp, Bin Färxanğa häm anıñ delegatsiyäsenä säfärläre öçen räxmät belderde.