Ukrayna wäqalätleläre, öç könlek utnı tuqtatu kileşüe tämamlanğannan soñ, Rusiyä köçläreneñ sişämbe könne Kiyevqa qarşı keşesez hawa apparatları höcüme oyıştıruın citkerde.
Başqalanıñ xärbi idaräse başlığı Timur Tkaçenko “Telegram” xisabında: "Doşmannıñ dronnarı xäzer Kiyev kük yözendä. Sirenalar tuqtağançı, zinhar, imin urında qalığız", - dip yazdı.
Älege kisätü - utnı tuqtatu üz köçenä kergänçe bulğan comğa könennän birle başqalada işetelgän berençe sirena buldı.
Kiyevnıñ töbäk xärbi idaräse, xalıqqa sıyınu urınnarında qalırğa quşıp, töbäktä hawa saqlanuı sistemalarınıñ êşläwen belderde.
AQŞ ilbaşı Donald Tramp Rusiyäneñ İkençe Bötendönya suğışında ciñü tantanalarınnan berniçä säğat aldan iğlan itkän öç könlek utnı tuqtatu kileşüeneñ 2022nçe yılnıñ fevralennän birle däwam itüçe bäreleşlärneñ "axırınıñ başlanğıçı" buluına ömetlänüen äytkän ide.
Ukrayna häm Rusiyä utnı tuqtatu kileşüen bozuçı "tınıç xalıqqa qarşı höcümnär" mäs'äläsendä ber-bersen ğayepläde.
