Törkiyä ilbaşı Räcäp Tayyip Ärdoğan İzrailneñ êkspansionistik säyäsäteneñ töbäk öçen iñ zur yanaw tudıruın belderde.

Pänceşämbe könne Änkarada Aljir ilbaşı Äbdelmäcid Täbbun belän berlektäge matbuğat konferentsiyäsendä çığış yasap, Ärdoğan bolay dide: "İzrailneñ Ğazzädäge, Yordannıñ basıp alınğan Könbatış üzänlegendäge häm Livandağı agressiyäse tağın ber tapqır bezneñ töbäk öçen çın iminlek probleması xäzerge xökümätneñ kiñäyüne küzdä totuçı, qanunsız häm qağıydälärne bozuçı säyäsäte buluın kürsätte".

Ärdoğan bolay dip östäde: "Törkiyä häm Aljir bularaq, bez töbägebezneñ tınıçlığına häm iminlegenä citdi yanawçı köç qullanu sıklın tuqtatu nisbätennän urtaq qaraşqa iyäbez. Bez Aljir belän duslığıbıznı häm xezmättäşlegebezne barlıq ölkälärdä dä ike yaq öçen dä otışlı alım nigezendä alga étärüne däwam itäçäkbez".

Täbbun, şulay uq, İzrailneñ töbäktäge ğamällären ğayepläde.

"Bez, şulay uq, İzrailneñ xalıqara xoquqlarnı boza torğan okkupatsiyäsen, anıñ tuğandaş Livanğa qarşı açıqtan-açıq höcümnären häm Ğazzädäge wäxşi qan qoyışın ğayeplibez", — dide ul.

Xezmättäşlekne nığıtu

Ärdoğan Täbbunnı İlbaşı rezidentsiyäsendä qarşı aldı. Annarı liderlar Yuğarı däräcäle Strategik xezmättäşlek şurası utırışın bergäläp ütkärde häm ikeyaqlı kileşülärgä qul quyu tantanasında qatnaştı.

Ärdoğan Änkaranıñ Aljir belän ênergetika, taw sänäğate, transport häm awıl xucalığı kebek strategik tarmaqlarda xezmättäşlekne nığıtuğa omtıluın belderde.

İlbaşı ike ilneñ ênergiyä belän täêmin itü iminlege, biğräk tä, tabiğıy gaz buyınça ozaq waqıtlı xezmättäşlekne tiränäytüen däwam itüen östäde.