İran tışqı êşlär ministrı Abbas Arakçi Pekinda Qıtay tışqı êşlär ministrı Van İ belän oçraştı.

İrannıñ yarım räsmi xäbär agentlığı ISNA mäğ’lümatına qarağanda, tışqı êşlär ministrı Arakçi törle illär belän diplomatik kiñäşmälär qısalarında Qıtay başqalası Pekinda wazıyfadaşı Van İ belän küreşep söyläşte.

İke yaqlı mönäsäbätlär, şulay uq regional’ häm global’ täräqqiyät’lär qaralğan oçraşuda Arakçi Qıtaynıñ AQŞ–İzrail agressiyasenä qarşı poziśiyäsennän qanäğät’ bulularınn belderde.

Qıtaynı İrannıñ yaqın dustı dip atağan Arakçi xäzerge şartlarda ike il arasındağı xezmättäşlekneñ tağın da nığıyaçağın assızıqladı.

AQŞ belän suğışnı tuqtatu öçen aradaşçılar aşa däwam itkän xäbär almaşu turında Arakçi bolay dide:
“Bez barı tik ğadel häm tulı kileşüne genä qabul itäbez. Bezgä qarşı başlanğan suğış — açıqtan-açıq agressiya häm xalıqara xoquqnı açıqtan - açıq bozu. Söyläşülärdä legal’ xoquqlarıbıznı häm mänfäğätlärebezne yaqlaw öçen bar köçebezne quyaçaqbız.”

Qıtay tışqı êşlär ministrı Van İ isä AQŞ–İzrailneñ İranğa qarşı alıp barğan suğışınıñ qanunsız buluın belderep, suğışnı tulısınça beteräçäk tulı utnı tuqtatunı täêmin itü zarurlığın assızıqladı.

ISNA mäğ’lümatına qarağanda, Van bolay dide:

“Bez kiyerenkelekne kimetü tırışlıqlarıbıznı däwam itärgä äzer. Tulı utnı tuqtatu täêmin itü kiräk häm qotılğısız. Töbäk kritik borılış noqtasın kiçerä häm ike yaq arasında turıdan-turı söyläşülär bik möhim”.