Rusiyädä Ukrainanıñ neft êşkärtü qorılmalarına keşesez hawa apparatları belän höcümnäre däwam itkändä ilneñ törle töbäklärendä benzin häm dizel yağulığı satuğa çikläwlär kire qaytarıldı.
Kareliyä töbäge gubernatorı Artur Parfençikov sośial media akkauntınnan yasağan belderüendä Rusiyäneñ “Rosneft” neft şirkätenä bäyle yağulıq stanśiyälärendä satuğa waqıtlıça çikläwlärneñ kertelüen belderde.
Parfençikov, şähärlärdä ber maşinağa iñ küp 30 litr, şähärara yullarda isä 50 litr benzin satırğa röxsät iteläçägen belderep, dizel yağulığı satunıñ da 50 litr, awır maşinalar öçen 200 litr belän çikländereläçägen iskärtep uzdı.
Buryatiyä Cömhüriyäte xökümätennän yasalğan belderüdä dä “Rosneft” stanśiyälärendä oxşaş çaralarnıñ kürelä başlanuı citkerelde.
Zabaykalye töbägeneñ İqtisadi üseş ministrlığı isä “Rosneft”neñ il külämendäge yağulıq stanśiyälärendä satuğa çikläwlär kertelüen belderde.
Rusiyäneñ Arxangelsk, Penza, Tübän Novgorod häm Krasnoyarsk töbäklärendä dä yağulıq satuğa çikläwlär kertelüe turında xäbärlär çıqtı.
Ukrainanıñ soñğı waqıtlarda Rusiyädäge neft êşkärtü qorılmalarına yasağan dron höcümnäreneñ artuınnan soñ ildä yağulıq belän täêmin itüdä problemalar yañadan qalqıp çıqtı.
Rusiyädä cäy aylarında da oxşaş problemalar yäşängän, xökümät êçke bazardağı täêmin itüne saqlap qalu maqsatınnan çığıp benzin häm dizel yağulığı êksportına çikläwlär kertkän ide.
