AQŞ ilbaşı Donald Tramp üz komandasınıñ ara kongress saylawlarında demokratlarğa qarşı ciñelüe, kübesençä, «İran suğışı» häm suğış kitergän «yäşäw qıymmätlänü» belän bäyle dip belderde.

Donald Tramp Kongressnıñ ike palatasında da demokratlar küpçelekne alğan ara saylawlar turında fikeren belderde.

İlbaşı urınbasarı Dj.D. Vênsnıñ saylawlarda ottırunıñ İran belän suğış arqasında buluı turındağı fikerenä kilgändä, Tramp: «Minemçä, bu döres, çönki qısqa waqıt êçendä benzin bäyäläre beraz kütärelde, şuña kürä bu, möğayen, dörester», – dide.

AQŞ ilbaşı İranğa qarşı suğış başlawına ükenmäwen, älege ilneñ atom-töş qoralına iyä bulmasqa tiyeşlegen häm monıñ öçen qatğıy çaralar kürülären añlatıp, bolay dide: «Min suğışnıñ bu mäs'älägä (saylawlarğa) täêsir itäçägen beldem. Läkin täêsir itsä dä, itmäsä dä, İrannıñ atom-töş qoralına iyä buluı mömkin tügel».

«Min, möğayen, demokratlar belän yaxşı aralaşırmın.»

Tramp saylaw näticälärennän soñ Kongresstagı yaña wäzğıyät turında bolay dide: «Min, möğayen, demokratlar belän mönäsäbätläremne yaxşırtırmın, älbättä, alar cimergeç räweştä êş itmäsälär, läkin bezdä veto xoquqı bar. Alar inde şaltırata häm qayber mäs'älälärne tikşerergä teli. Şuña kürä problema bulmayaçaq.»

Saylawçılarnıñ östenlekläre turında sorağaç, AQŞ ilbaşı, ägär anıñ iseme byulletendä bulsa, alar «açıqtan-açıq ciñäçäk ide”- dip belderde.

Tramp, şulay uq, Wäkillär palatasası spikerın saylaw protsessına yäki kandidatlar kem bulaçağına tıqşınmayaçağın belderde.