Törkiyä ilbaşı Räcäp Tayyip Ärdoğan: «8 noyabr' - Azärbaycannıñ ciñü köne. Ägär ğadättän tış xäl kilep çıqmasa, min dä ul könne Azärbaycanğa säfär yasarğa uylıym. İnşallah, şuşı säfär uñayınnan kiräkle adımnarnı yasaw mömkinlegebez bulır», — dide.

Ärdoğan Könyaq Koreya säfärennän ilenä qaytqanda oçqıçta jurnalistlarğa belderülär yasadı häm alarnıñ sorawlarına cawap birde.

Azärbaycan belän mönäsäbätlär

İlbaşınnan: «Azärbaycan belän mönäsäbätlärne niçek bäyälisez? İke il arasında krizis buluı turındağı fikerlärgä niçek qaraysız?» — dip soradılar.

Ärdoğan bu sorawğa bolay cawap birde:

«8 noyabr' - Azärbaycannıñ Ciñü köne. Ägär ğadättän tış xäl kilep çıqmasa, min dä ul könne Azärbaycanğa säfär yasaw turında uylıym. İnşallah, şuşı säfär uñayınnan kiräkle adımnarnı yasaw mömkinlegebez bulır.

Azärbaycan ilbaşı xörmätle İlham Äliyev belän telefonnan söyläşülär ütkärdem inde. Şul uq waqıtta, Küzläw oyışması başlığın da, tışqı êşlär ministrın da Azärbaycanğa cibärdem. Monnan tış, İlham äfände belän dä, xäläl cefetlärebez arasında da telefon diplomatiyase alıp barıldı häm alıp barıla.

Alar da 8 noyabr' Ciñü könenä zur ähämiyät birälär. Min härwaqıt äytkänemçä, bezneñ Azärbaycan belän mönäsäbätlärebez ğadi diplomatik oçraşular qısalarınnan küpkä kiñräk. İke ilebez arasındağı özelmäs bäyläneş - urtaq tarixıbız, mädäniyätebez, yazmışıbız häm inşallah kiläçägebez näticäse.

Törkiyä belän Azärbaycan tuğanlığı ciñä almayaçaq bernindi qıyınlıq yuq.”