AQŞ ilbaşı Donald Tramp ile İzrailgä kürsätäçäk 4 milliard dollar külämendäge yärdämne tuqtataçağın citkerde.

“Fox News” telekanalına birgän intervyusında Donald Tramp İzrailgä bireläçäk 4 milliard dollar külämendäge yärdäm turında: «Bez İzrailgä aqça birmäyäçäkbez», — dide.

Yıl axırına qädär İzrailgä yärdämne tuqtatu turında kileşülären citkergän Tramp, kiräk bulğan oçraqta AQŞnıñ İzrailgä yärdäm kürsätäçägen assızıqladı.

Tramp bu mäs’äläne İzrail premyer-ministrı Binyamin Netanyaxunıñ kütärüen äytep, İzrailneñ üskän il buluın häm mondıy yärdämgä moxtac tügellegen bilgeläp ütte.

İran mäs'äläsendä ara saylawlardan soñ nindi adım yasalaçağı turındağı sorawğa Tramp: «Minem maqsatım — bik küp keşene üterü tügel. Läkin mäcbür bulsaq, monı êşlärgä turı kiläçäk. Ämma minem maqsatım bu tügel», — dip cawap birde.

AQŞ ilbaşı şulay uq: «Ägär Amerikadağı keşelär minnän tuyğan bulsalar, İzrailgä küçep, anda premyer-ministr bula alam», — dide.

İzraildä üzenä bulğan cämäğätçelek yaqlawınıñ 99 prośent täşkil itüen beldergän Tramp, monıñ härkem ireşä almıy torğan bik yuğarı yaqlaw kürsätkeçe buluın äytte.