Nobel’ premiyäse laureatı Djeffri Xinton yasalma aqıl bıyıl yäki kiläse yılda êlektr yäisä finans sistemalarında zur külämle özekleklär kiterergä mömkin dip kisätte.
Kiläçäktä yasalma aqıl belän bäyle potentsial krizislarnı Çernobıl facigase belän çağıştırğan Xinton “The Guardian” gazetına êlektr liniyälären yäki finans asqormasın ber atna däwamında cimerä alırlıq höcümnär bulırğa mömkin dip belderde.
Ğalim keşelekneñ texnologiya qurqınıçların idarä itä alu-almawı 10 yıl êçendä açıqlanaçağın, yuğıysä massaküläm êşsezlek häm cämğıyättä tirän büleneşlär barlıqqa kiläçägen söyli.
Texnologiya kompaniyäläre citäkçelärenä tänqıyt’
Xinton, şulay uq, tarmaqtağı äydäp baruçı kompaniyä citäkçelären tänqıytläde, qurqınıçsızlıq yanawları iğtıbarsız qaldırıluın bilgeläp ütte.
Xinton äytüençä, yasalma aqıl modelläre bazarğa çığarılğançı, farmasevtika sänäğatendäge kebek ük, bäysez institutlar tarafınnan qatğıy sınaw ütärgä tiyeş.
