Polşa matbuğatında urın alğan xäbärlärgä qarağanda höcümçe başta yaqındağı kafeda ber ruxanine, annarı monastır êçendä tağın dürt keşene yaraladı.

Soñraq ülgän ruxanineñ şäxes tanıqlığı älegä cämäğätçelek belän urtaqlaşılmağan.

Poliśiyaneñ höcümçeneñ maqsatların bilgeläwe öçen tikşerü däwam itä.

Liderlar höcümne ğayeplädelär

Polşa däwlät başlığı Karol Navrośkiy pänceşämbe könne bulğan höcümneñ härkemne borçuğa saluın häm däwlätneñ täwäkkäl cawap birüe kiräklegen äytte.

Ukraina ilbaşı Volodimir Zelenskiy isä bu yawızlıqqa ğacäplänülären belderde.

Ukrainañ Polşadağı ilçelege dä höcümne ğayepläde.

İlçelektän yasalğan belderüdä, mondıy qıyın waqıtlarda bergä bulu, keşe ğomeren xörmät itü häm qayğı-xäsrätneñ näfrätkä yäki yaña qırıslıq waqiğalarına äylänüenä yul quymaw ayıruça möhim dip äytelde.

Polşada soñğı waqıtlarda, kübese Rusiyäneñ basıp aluınnan qaçqan ukrainalılar belän üz watandaşları arasında qırıslıq waqiğalar küzätelä.