Süriyä ilbaşı idaräse belderüenä qarağanda, AQŞ ilbaşı Donald Tramp häm Süriyä däwlät başlığı Äxmät Şara telefon aşa söyläştelär. İke lider Süriyäneñ torğızıluına häm yañadan kütärelüenä yardäm itü, şulay uq, töbäk totrıqlılığı turında fiker alıştı.

Belderüdä Şaranıñ Trampqa Süriyägä qarşı sanktsiyälärne beterü ilneñ iqtisadın torğızu häm yañadan tözekländerügä mömkinlek birüçe töp adım bulaçağın äytüe citkerelä.

Belderüdä äytelgänçä, AQŞ ilbaşı, şulay uq, töbäk iminlegen häm tınıçlıqnı nıqıtu häm töbäktä kiyerenkelekneñ alğa taba artuına yul quymas öçen diplomatiyä häm dialogqa östenlek birü kiräklegenä basım yasadı.