“CBS News”nıñ xäbärenä kürä Vaşington ştatınıñ Longvyu qalasındağı "Nippon Dynawave Packaging" zavodında ber śernanıñ şartlawı näticäsendä kim digändä ber keşe ülde, tuğız keşe yuğaldı.

Xökümät wäkilläre, śernada käğäz massası citeşterü barışında qullanıla torğan aq sıyıqlıq isemle ximik qatnaşma buluın açıqladı.

Waqıyğada aralarında ber yanğın sünderüçe dä bulğan kim digändä tuğız keşe yaralandı.

Qayber yaralanuçılarnıñ yanuın häm sulış yullarınıñ zarar kürüen, ä sälamätlekläreneñ ciñeldän kritikka qadär üzgärüen belderdelär.

Longvyu Yanğın sünderü idaräse śernanıñ cimerelüen häm êçendä sıyıqlıq qaluın, bu xälneñ aşığıç yärdäm törkemnäre öçen qurqınıç tudıruın citkerde.

Bu risklar arqasında êzläw häm qotqaru êşçänlekläre tön buyı tuqtap tordı; êşçänleklärneñ çärşämbe könne yañadan başlanuı kötelä.

Yaralanuçılar Longvyu häm Vankuverdağı xastaxanälärgä kiterelde. “PeaceHealth St. John” mediśina üzäge tuğız keşeneñ üzlärenä kiterelüen, altısınıñ xäle yaxşı buluın, berseneñ ülüen açıqladı.

Yaralanğan yanğın sünderüçe isä däwalanıp, xastaxanädän çıqtı.