“TRT” êlemtä partnyerı bulğan häm bıyıl 21–24 may könnärendä uzuçı festival'neñ açılışı İstanbuldağı Atatörek isemendäge aêroportında qorılğan Xan çatırı yanında uquçılarnıñ “Gülbank” isemle çığışı belän yasaldı. Annarı säxnägä İstanbulnıñ tarixi törek muzıka ansambleneñ xärbi orkestr törkeme çıqtı.

Açılış tantanasında çığış yasağan Bötendönya êtnosport konfederaśiyäse başlığı Bilal Ärdoğan festival' däwamında mädäni baylıklarnıñ bergä tanılaçağın belderde.

Qunaqlarnı sälamläp, Ärdoğan festival' könnärendä köräş häm atlı sport törläre belän ber rättän törle çaralarnıñ uzdırılaçağın bilgeläp ütte.

Festival' qısalarında oyıştırılaçaq çaralarda balalarnıñ häm gailälärneñ tradiśion mädäniät belän tanışaçağını äytkän Ärdoğan: "Bıyıl da biredä 4 kön däwamında mädäniätebezneñ baylıqların bergäläp tanıp beläçäkbez. Balalarıbız, ölkännärebez belän bergä ğoref-ğadätlärneñ ruxın canlandırırbız häm dönyanıñ törle poçmaqlarınnan kilgän qunaq artistlarnı, sportçılarnı, sänğatçelärne biredä bergäläp qabul itäçäkbez. Bügen monda kilgän balalar mädäni baylıqnıñ ni qadär qaderle häm mäğnäle ikänen küräçäklär, xis itäçäklär", – dide.

İstanbulnıñ xalıqara ähämiyätenä iğtibarnı yünältkän Bilal Ärdoğan, çığışlardan soñ balalar belän bergä tasma kisep, festival'ne açıp cibärde.