Änkara töbäk apellyatsiyä mäxkämäse Törkiyäneñ töp oppozitsiyä partiyäse bulğan Cömhüriyät Xalıq Partiyäseneñ (CHP), 2023 yılnıñ noyabrendä uzğan 38nçe çirattağı qorıltayın “tulısınça yaraqsız” bulu säbäple ğamäldän çığarğannan soñ, kontrolen waqıtlıça êlekkege CHP liderı Kämal Qılıçdaroğluna häm anıñ idaräsenä küçerergä kiräk digän qarar çığardı.
Änkara töbäk apellyatsiyä mäxkämäseneñ 36nçı xoquq kollegiyäse Özgür Özäl räis itep saylanğan 2023 yılnıñ 4-5 noyabrendäge qorıltaynıñ "tulısınça yaraqsız" buluı turında qarar çıgardı häm anı ütkärelgän könnän ğamäldän çıgardı.
Mäxkämä, şulay uq, Özäl häm qorıltayda saylanğan Üzäk Başqarma Komitetı, Partiyä şurası häm Yuğarı Distsiplinar şurası äğzalarınıñ, qarar üz köçenä kergänçe, waqıtlıça wazıyfalarınnan alınırğa tiyeşlege turında xökem qararı çıgardı.
Alar urınına, Qılıçdaroğlu häm 2023 yılnıñ noyabrendäge qorıltayğa qadär wazıyfada bulğan partiyä organnarı, soñğı mäxkämä qararı çıqqançı, üz wazıyfaların waqıtlıça başqaraçaq.
Mäxkämä, şulay uq, 2023 yılnıñ noyabrendä bulğan häm ğamäldän çığarılğan qorıltaydan soñ partiyä êçendä ütkärelgän barlıq ğadäti häm ğadättän tış qorıltaylar häm bu cıyılışlarda qabul itelgän barlıq qararlarnı yuridik yaqtan yaraqsız dip taptı.
Şul uq säbäplär arqasında 2023 yılnıñ 8 oktäyabrendä uzğan CHP Istanbul ölkä qorıltayı häm anda qabul itelgän barlıq qararlar da ğamäldän çıgarıldı.
Qarar bertawıştan qabul itelde. İke atna däwamında Yuğarı Mäxkämägä bu qararğa qarata şikayät' birü xoquqı bar.
