Düşämbe könne Ğazzäneñ kön’yağındağı Xan Yunısnıñ könbatışında urnaşqan Äl-Mäwasi töbägendä küçenep kilgän fälästinlelär yäşägän lagerğa İzrail oyıştırğan hawa höcümendä ber fälästinle xatın-qız belän ber bala häläq buldı, kim digändä 22 keşe yaralandı.
Sälamätlek saqlaw çığanaqları “Anadolu” agentlığına xäbär itüençä, İzrailneñ Äl-Mäwasida küçenep kilgän fälästinlelär yäşägän Ğayt lagerına höcüm itüe näticäsendä 31 yäş’lek ber xatın-qız belän 6 yäş’lek ber qız bala ğomeren yuğalttı.
Çığanaqlarğa qarağanda, höcümdä kübese xatın-qızlar häm balalar bulğan 20 keşe yaralanğan.
Cirle çığanaqlar häm şahitlar äytüençä, İzrail bombalawı lagerdağı küp sanda çatırğa yünältelgän, höcümdä törle däräcädä yaralanular bulğan.
Cirle çığanaqlarğa qarağanda, Ğazzä üzägendä İzrailneñ irtänge säğat’lärdä Mağazi qaçaqlar lagerındağı yortqa yünältelgän hawa höcümendä ike fälästinle yaralanğan.
Ğazzä sälamätlek saqaw ministrlığı beldergänçä, utnı tuqtatu kileşüen bozu ul ğamälgä kerğännän birle 904 fälästinleneñ ülemenä, 2 meñ 713 keşeneñ yaralanuına kiterde.
Kileşü İzrailneñ ike yıllıq genośid suğışın tuqtatunı maqsat itep quya ide. Suğış näticäsendä kübese xatın-qızlar häm balalar bulğan 72 meñnän artıq keşe ülde, 172 meñnän artıq keşe yaralandı häm grajdannar infrastrukturasınıñ 90 %ına täêsir itkän zur cimerelügä kiterde.
