İzrailneñ çiktän tış uñçı milli qurqınıçsızlıq ministrı İtamar Ben-Gvir, Ğazzägä yul totqan «Global’ Sumud» flotiliyasınnan totqarlanğan aktivistlarnıñ qulların arqalarına bäyläp, mañğayların cirgä tiderep tezlänergä mäcbür itüläre urın alğan videonı kürsätkännän soñ bar dönya İzrailne ğayepläde.
Ben Gvirnıñ “X” akkauntında çärşämbe könne “İzrailgä räxim itegez!” digän yazu belän urnaştırılğan videoda İzrail gimnı yañğırağanda distälägän aktivist xärbi köymä plaubasında tora, ä ministr İzrail bayrağın bolğıy.
«Global Sumud» flotiliyası sişämbe köne İzrailnıñ yärdäm konvoyındağı barlıq köymälärne qulğa aluın citkerde.
Flotiliya 15 mayda Törkiyäneñ Marmaris rayonınnan yulğa çıqtı häm anda 44 ildän 428 keşe bar ide. Aktivistlar İzrail 2007 yıldan birle Ğazzägä qarata qullana torğan qanunsız qamalışın beterergä teläde.
Törkiyä: «Wäxşilärçä häm qırıs räweştä”
Törkiyä, Ğazzägä gumanitar yärdäm iltü maqsatı belän buldırılğan «Global Sumud» flotiliyasına İzrail köçläreneñ xalıqara sularda qatışuın gäyepläde.
Tışqı êşlär ministrlığı bu höcümne piratlık ğamäle dip atadı häm İzrailneñ Ğazzädäge gumanitar fäläkatkä iğtibarnı cälep itärgä tırışqan «Global Sumud» flotiliyasın maqsat itep aluı belän asılda keşelek qimmätlären häm xalıqara xoquqnı maqsat itep aluın belderde.
Êlemtä başlığı Burhanettin Duran da «Global Sumud» flotiliyasına xalıqara sularda yasalğan qatışunı häm flotiliya äğzalarınä qarağan höcümçel totışnı qırıs räweştä gäyepläde.
«Tınıç xalıqqa qarşı yasalğan süzle häm fiziki qatışular, İzrail citäkçelegeneñ xoquqnı tanımawın häm keşelek qimmätlären sanamawın tağın ber qat açıq räweştä kürsätte», — dip äytte ul.
Şulay uq Belgiya, Kanada, Angliya, İrlandiya, Niderland, Sloveniya, İspaniya, Franśiya, Portugaliya, Germaniya, Greśiya, “Xamas” älege qatışunıñ qabul itelmäslek buluın citkerep, qırıs räweştä ğayepläde.
Bu - flotiliya belän bäyle barlıqqa kilgän berençe waqıyğa tügel.
