Mäskäw ölkäse gubernatorı Andrey Vorob’yov Rusiyä başqalası tiräsendäge töbäkkä oyıştırılğan zur külämle pilotsız oçu apparatı höcümendä öç keşeneñ hälaq buluın belderde.

Vorob’yov Telegramda yasağan belderüendä: “Pilotsız oçu apparatı yortqa kilep tiyü näticäsendä ber xatın-qız hälaq buldı. Tağın ber keşe cimereklär astında qaldı”, — dip äytte.

Gubernator irtänge säğat’lärdä oyıştırılğan höcümdä tağın ike keşeneñ ülüen belderde.

Vorob’yov:” İrtänge 03.00tän başlap hawa saqlanu köçläre başqala töbägenä yünältelgän pilotsız oçu apparatı höcümnären çigenderä”, — dip belderde.

Ul höcümdä dürt keşeneñ yaralanuın häm infrastruktura ob’yektlarına höcüm buluın citkerde.

Mäskäwdä räsmi zatlar  hawa saqlanu sistemalarınıñ töne buyı kim digändä 74 pilotsız oçu apparatın totqarlawın häm 12 keşeneñ yaralanuın xäbär itte.

Mäskäw mêrı Sergey Sobyanin Telegramda yasağan belderüendä: “Qaldıqlar töşkän urınnarda keçkenä külämle zıyan terkälde”, — dip äytte.

Sobyanin soñğı 24 säğat’ êçendä barlığı 120 dronnıñ totqarlanuın äytte.